الرئيسية / اضحك من قلبك / 6 أسباب تجذبك لـ مترو الأنفاق كأفضل وسيلة للمواصلات في مصر
مترو الانفاق
مترو الانفاق

6 أسباب تجذبك لـ مترو الأنفاق كأفضل وسيلة للمواصلات في مصر

مترو الأنفاق يعتبر من أفضل وسائل المواصلات الداخلية حول العالم ، لكن عندنا ف مصر مترو الأنفاق ليه مميزات خاصة لأن بالأصل إحنا شعب ليه مميزات خاصة كمان ، بس فيه اسباب معينة تخلى كل الناس بكل عام تفضل ركوب مترو الأنفاق عن أى وسيلة تانية وهى :

أرخص وأسرع

ودى من الآخر الخلاصة عندنا فى مصر كل مواطن بيدور على أى حاجة توفرله ربع جنيه كل يوم J  وبالتالى مترو الأنفاق أبو جنيه واللى ممكن بالجنيه ده تلف القاهرة العامرة كلها من شبرا الخيمة لخط حلوان لخط العباسية كله بجنيه فببساطه أنت ممكن تغير الاتجاه وتروح اى مكان انت عاوزة بنفس التذكرة أم جنيه .

الأكثر تحملا للأعداد

وبما أننا شعب ما شاء الله اللهم لا حسد يعنى عدد معدى 90 مليون نسمة فالقطار بتاع مترو الأنفاق من أكثر القطارات اللى بتتحمل عدد ناس ، الناس بتتحشر حشر من محطة للتانية وهو مستحمل مش بيقول لا .

للسيدات فقط

عربات للسيدات فقط من المزايا المهمة جداً بالنسبة لمترو الأنفاق لأنه بيسمح للسيدات بركوب عربات خاصة بيها هيه فقط ، وبما أن ده مهم جدا فى وسط الأعداد الرهيبة من الناس اللى بتركب مترو الأنفاق ، فده يبب مهم جدا يحفظ لنساء مصر كرامة الركوب فى الزحام المميت

أمان الأمان

مترو الأنفاق من وسائل المواصلات الآمنة جدا لأنه يسير فى خطوط سير تحت الأرض وبالتالى يستحيل حدوث حوادث اصطدام او غيره لان القطارات لها اتجاهات محددة وأضف الى ذلك أن مترو الأنفاق من الوسائل التى تجعلك تصل لأى مكان تريده فى القاهرة دون أن تكون مضطراً لسؤال أى شخص لا تعرفه ، فأسماء المحطات مبينة على لوحة ثابتة فى كل عربة من عربات القطار وبالتالى هو الأمان كله بالنسية للمواطن البسيط وللكبار والصغار والطلبة .

أمن على البيئة

يعتبر مترو الأنفاق من المواصلات الممتازة التى تحافظ على نظافة البيئة فى مصر وهذا داعى كبير ايضا لتفضيلها عن غيرها من وسائل المواصلات الاخرى فلا ينتج عنه عوادم تلوث الهواء أو أصوات مزعجة بشكل قد يسبب ضوضاء سمعية ، ولا حتى مخلفات الصرف الصحى التى قد نتنج عن القطارات العادية من قطارات السكك الحديد ، وبالتالى فهو الاكثر نظافة وامانا وحفاظا على البيئة .

متعة التسوق السريع 

يعتبر مترو الأنفاق مكاناً جيداً لتسوق بعض الامتعة التى تحتاجها فى منزلك مثل إبر الخياطة أو الطرح للمحجبات ومفارش السفرة الصغيرة وغيرها من الاشياء التى قد لا تخطر لك على بال فتجد بعض الباعة الجائلين ينادونك لشرائها سريعا قبل ان تنزل من القطار فى المحطة القادمة .

عن علا البابلى

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *